Wednesday, 27 January 2010

Londer-Shqiptari, medalje ari ne karate

Nga Londra
Muhamed Veliu

Sportisti shqiptar Adrian Hadribeaj, eshte shpallur fituesi i turnout “British International Karate Open 2010”, zhvilluar ne Londer. Hadribeaj, talenti i karatese shqiptare fitoi 13 nga 14 duele ne kete turne ku moren pjese 300 karateiste nga Europa.

19 vjecari nga Tirana, fitoi vendin e pare per senior ne kategorine "open".

Gjithashtu ai mundi te fitoje edhe vendin e dyte ne kategorine 84 kilograme.

Presidenti “British International Karate Open 2010” i ka dorezuar karateistit Adrian Hadribeaj dy medalje, nje ari dhe nje argjendi.

Pas marrjes se ketyre dy medaljeve Hadribeaj tha per Top Channel se ndjehej i emocionuar per kete arritje te tijen dhe krenar per Shqiperine, qe eshte nje vend i vogel dhe prodhon sportiste te nje kalibri te larte te cilet fitojne medalje, ne te tilla evenimentet sportive.

Ne kete ativitet sportiv ne Londer, Hadribeaj shoqerohej nga presidenti i Federates Shqiptare te Karatese, Parid Dule dhe trajneri i ekipit kombetar Ramiz Ismailgeci.

“Ky rezultat fantastik ne Londer qe arriti Adriani, na ben te kemi besim per te fituar nje nga tre medaljet ne kampionatin europian te karatese qe do te mbahet ne Izmir te Turqise gjate muajit shkurt”, ka deklaruar trajneri Ismailgheci.

Tuesday, 26 January 2010

Britani, 60 femije te abuzuar ne dite nga pedofilet

Nga Londra
Muhamed Veliu


Shifra alarmante, njekohesisht tronditese jane bere publike rreth numrit te femijeve qe abuzohen ne Britanine e Madhe. Nje studim i publikuar sot tregon se 60 femije abuzohen cdo dite ne shtetin ishullor nga pedofilet. Me shume se 21,000 krime ndaj te miturve u regjistruan vitin e shkuar ne Angli dhe Uells.

Ky perfundim eshte arritur nga perpunimi i te dhenave prej 43 forcave policore. Sipas ketij raporti ne 75% te rasteve te abuzimit viktimat ishin nen moshen 17 vjec. Keto te dhena qe behen publike per here te pare, jane siguruar nga “Organizata nacionale e parandalimit te abuzimit me femijet” .

Philip Noyes drejtor i kesaj organizate e komentoi raportin si trondites pasi te dhenat jane vetem per ato raste kur abuzimi eshte raportuar ne polici. “Ne besojme se shifrat e ketij problemi jane akoma me te medha” ka theksuar ai.

Se shpejti ne Angli dhe Uells pritet te nise zbatimi i nje skeme ku banoret e cdo qyteti do te kene mundesi te kene informacion rreth personave te perfshire ne pedofili apo qe jane denuar me pare per krime ndaj te miturve.

Kjo skene eshte perkrahur nga ministri i brendshem Alan Xhoson dhe njihet si “Sarah’s Law” (Ligji Sara).

Ligji ka marre kete emer pas nje fushate 7-vjecare per aprovimin e tij, inicuar nga nena e vogelushes Sarah Payne, e cila u abuzua dhe me pas u vra nga pedofili Roy Whiting.

Thursday, 21 January 2010

Krimi shqiptar në Londër, “Skotland Jardi” në Tiranë

60 të kërkuarit që strehohen në Britani dhe bashkëpunimi, dy prej pikave që u diskutuan me autoritetet shqiptare

Rritja e krimit shqiptar në Londër, sidomos në këtë periudhë kur Britania e Madhe po përgatitet për lojërat Olimpike të vitit 2012, ka detyruar një delegacion të “Skotland Jardit” të vizitojë Tiranën zyrtare.

Burimet nga Policia e Shtetit bëjnë të ditur se mbërriti në vendin tonë një delegacion i lartë nga Policia britanike, me qëllim thellimin e mëtejshëm të marrëdhënieve të bashkëpunimit me strukturat e policisë shqiptare.

“Delegacioni i policisë britanike, i kryesuar nga Gary Lindon, u prit në një takim të veçantë nga Drejtori i Përgjithshëm i Policisë së Shtetit, Z. Hysni Burgaj, ku ndër të tjera u evidentua bashkëpunimi mes palëve.

Po ashtu, të pranishmit diskutuan mundësitë dhe rrugët e reja të forcimit dhe konkretizimit të këtij bashkëpunimi, si në fushën e shkëmbimit te informacionit ashtu dhe të eksperiencës policore.

Sipas burimeve zyrtare, kreu i Policisë së Shtetit, Hysni Burgaj, gjatë këtij takimi dha vlerësimet e tij veçanërisht për ndihmën dhe kontributin e policisë britanike në asistencën e saj dhënë për strukturat e rendit dhe sigurisë në vend.

Ndërkohë pjesëmarrësit në takim theksuan edhe gatishmërinë e përbashkët të dy policive për të nënshkruar në të ardhmen një marrëveshje konkrete bashkëpunimi mes Policisë së Shtetit shqiptar dhe policisë britanike.

Autoritetet policore shqiptare kanë pohuar se në Britani fshihen mbi 80 persona të shpallur në kërkim në Shqipëri.

Por, procedurat e ekstradimit shpesh herë bëhen të vështira për shkak të vendimeve që japin gjykatat britanike, gjë që ka shkaktuar në ndonjë rast pakënaqësinë e drejtuesve të policisë shqiptare.

Ndër rastet ku Tirana zyrtare ka hasur në vonesa ka qenë sjellja në Shqipëri e Ilir Kumbaros, i përshirë në grupin e ish-zyrtarëve të SHIK-ut për vrasjen e biznesmenit shqiptaro-maqedonas, Remzi Hoxha.

Pak muaj më parë ishte në Shqipëri një nga titullarët e Ministrisë së Brendshme të Britanisë së Madhe.

Ndërsa drejtues të lartë të Policisë së Shtetit kanë bërë disa takime me homologët britanikë në Londër për kapjen e personave që fshihen atje.

Burimi:Gazeta Agon

Wednesday, 20 January 2010

Londër-Ilir Kumbaro shijon linë duke ndërtuar plak prej dëbore

Londër-Ilir Kumbaro shijon lirinë duke ndërtuar plak prej dëbore

Nga Londra
Muhamed Veliu

Një ditë pasi gjykata e krimeve të rënda në Tiranë refuzoi ndryshimin e masës së arrestit për Arben Sefgjinin dhe Avni Koldashin, i akuzuari tjetër Ilir Kumbaro është fotografuar në Londër duke ndërtuar një plak prej dëbore.
Kumbaro, Ish drejtuesi i lartë i SHIK-ut për Tiranën, gjatë këtyre 13 viteve, fshehje në Londër, duke përdorur emrin Shaqa Shatri, me shumë kujdes dhe në fshehtësi të plotë ka mundur të ruaj anonimatin.
Por këto foto ekskluzive të siguruara nga Top-Channel i japin fund anonimatit të Ilir Kumbaros i cili duket se po shijon ç’do sekondë të lirisë së fituar nga gjykata e apelit në Londër mesin e Dhjetorit 2009.
Fillimisht i kërkuari drejtësisë shqiptare është fotografuar duke hapur derën e shtëpisë dhe dalë prej aty, me një karotë në dorë të cilën do ta përdor më pas si hundën e plakut prej dëbore.
Më pas nga shtëpia del e shoqja ndërsa Ilir Kumbaro kujdeset duke luajtur me dëborë me nipin e tij të vogël.
Ndërkohë që mbi të rëndon akuza e ngritur në Tiranë se ç’farë Kumbaro ka fshehur nën tokë, nga këto foto duket qartë se ish oficeri shërbimit sekret shqiptare po kujdeset të ngrejë mbi tokë një plak prej dëbore.
Dhe në fund kur plaku prej dëbore, ka përfunduar së ndërtuari, Ilir Kumbaro ka marrë përsipër bërjen e fotografit.
Burime nga departamenti ekstradimeve në prokurorinë britanike janë shprehur se ata nuk e kanë ekzekutuar ende mandatin e ri të arrestit për Ilir Kumbaron, lëshuar nga Gjykata e Krimeve të rënda në Tiranë ,pasi Ministrisë së Drejtësisë shqiptare i është kërkuar dokumentacion shtesë.
Dështimi i ekstradimit të Ilir Kumbaros nga Anglia, ndodhi gjatë një séance në gjykatën e Apelit në Londër në të cilën Clair Dobbing përfaqësuesja e shtetit shqiptarë nuk e kishte mandatin e ri të arrestit lëshuar nga Gjykata e Krimeve të Rënda.
Mësohet se ky mandat arresti i dërguar autoriteteve britanike në formë letër-porosie nga Ministria e Drejtësisë në Tiranë nuk mbërriti në kohë, duke i mundësuar avokatëve të Kumbaros fitimin e seancës së apelit.

Emigrantët shqiptarë ne UK donacione për Shkodrën

Emigrantët shqiptarë ne UK donacione për Shkodrën

Nga Londra
Muhamed Veliu

Emigrantët shqiptarë në Britaninë e Madhe të mbështetur nga ambasada shqiptare, kanë nisur mbledhjen e donacione në para dhe ndihma materiale për ti ardhur në ndihmë banorëve të prekur nga përmbytjet në zonën e Shkodrës.

Gjatë një mbrëmje bamirësie në bar restorantin Koha në Londër u mblodhën 925 paund të cilat do t’i dërgohen Karitasit shqiptarë.

“Do të ishte aspak e denjë për ne që të rrinim, duke parë pamjet e përmbytjes që përcillen nga mediet e Tiranës dhe të mos bënin asgjë.

Megjithëse një shume modeste, mendoj se kjo ka një domethënie të madhe për ti treguar të prekurve nga përmbytjet se edhe ne ndjejmë keqardhje dhe jemi me ta në këto ditë të vështira” tha Fadil Maqedonsi organizatori i kësaj mbrëmje bamirësie.

Një tjetër mbrëmje bamirësie është zhvilluar edhe në ambientet e anijes “HM President” në Londër ,ku morën pjesë disa këngëtarë të ardhur nga Kosova.

Organizatorët nuk kanë bërë ende publike shumën e mbledhur nga donacionet.

Gjithashtu edhe Uells ku jeton një komunitet emigrantësh shqiptarë janë duke u mbledhur ndihma materiale që do të dërgohen drejt zonave të prekura nga përmbytjet.

Ambasada Shqiptare në Londër ka hapur një numër llogarie ne banken NatWest ku të interesuar mund të dërgojnë donacionet e tyre.

Numri i llogarisë bankare është: 27179710 me sort code 560033, Emri llogarise:Shkodra Flooded Areas.

Zef Mazi ambasador i Shqipërisë në Mbretërinë e Bashkuar tha se kemi qene ne komunikim të vazhdueshëm me shoqatat, dhe veçanërisht me një numër individësh shqiptare, nga Londra dhe qytete te tjerë, për te grumbulluar ndihma.

Ndërsa të Dielën datë 24 Janar në ora 16:00 në Kishën e Pimlikos ku mbahen meshat në gjuhën shqipe do të organizohet një tjetër mbrëmje bamirësie.

Saturday, 16 January 2010

Ekstradohet nga Londra i kerkuari per vrasje Afrim Sinani

Nga Londra
Muhamed Veliu

Pasi ka deshtuar ne te gjitha shkallet e gjyqesorit anglez, Interpol Tirana ka ekstraduar nga Londra Afrim Sinanin, te denuar per vrasje.

Ekstradimi i tij u be i mundur pasi ai humbi apelin e bllokimit te ekstradimit ne gjykaten e larte “Royal Court of Justice”, ndersa Gjykata Supreme cilesoi si te pabaze kerkesen e shqyrtimit te nje apeli te metejshem.

36 vjecari nga fshati Shemrie i Kukesit kerkohej nga drejtesia shqiptare per te vijuar denimin me 18 vite burg dhene nga gjykata, pasi ai eshte gjetur fajtor per vrasjen e Naim Sinanit, ndodhur ne 4 Janar 1996.

Interpol Tirana do te zbulonte vendfshehjen e Sinanit, duke e arrestuar ne Londer ne Shtator te vitit 2007 ne bashkepunim me skuadren e ekstradimeve ne Scotland Yard.

Por ai eshte lene i lire me kusht nga gjykata, pasi vuri nje garanci pasurore prej 25 mije sterlinash.

Sinani, i cili fshihej ne Angli qe prej vitit 2000 duke perdorur emrin Afrim Pulaj, duhej te paraqitej paraditen e djeshme ne aeroportin Heathrow.

I kerkuari nga drejtesia shqiptare nuk eshte paraqitur duke lene te presin dy oficeret e Interpol Tiranes, qe kishin ardhur ne Londer per ta ekstraduar.

Koordinimi i menjehershem i veprimeve mes tyre dhe homologeve britanike mundesoi arrestimin e Sinanit, i cili cuditerisht u gjet i fshehur ne shtepi, duke tentuar t’i shpetonte ektradimit drej Tiranes.

Procesi i ekstradimit te Afrim Sinanit terhoqi vemendjen e medias britanike pasi ai gjate fshehjes ne lindje te Londres kishte perfituar padrejtesisht mijera paund asistence sociale dhe nenshtetesine britanike, duke perdorur nje identitet te rreme.

Thursday, 14 January 2010

Britani, parlamenti seance per emigrantet shqiptare

Nga Londra
Muhamed Veliu


Komuniteti shqiptar ne Britanine e Madhe, per here te pare ka patur rastin te paraqese arritjet dhe te diskutoje per problemet qe ndeshet ne emigracion, gjate nje seance degjimore ne Parlamentin britanik.

Kjo seance degjimore u zhvillua me iniciative te ambasadorit te Shqiperise ne Mbreterine e Bashkuar, zotit Zef Mazi dhe bashkepunimit me zotin Lutfi Vata, kryetar i Forumit te Bashkimit te Shoqatave Shqiptare ne Britani.

Gjashte parlamentare nga tre forca te ndryshme politike, per me shume se 60 minuta degjuan perfaqesuesit e komunitetit shqiptar, te cilet folen per arsimimin, kulturen, ceshtjet ligjore te emigracionit dhe rolin e medias ne komunitet.

Xhon Grogan, kryetar i grupit parlamentar gjithe partiak Shqiperi-Kosove, tha se eshte hera e pare qe perfaqesuesit shqiptare dhe ata kosovare mblidhen se bashku per te na paraqitur ne Parlament ceshtjet qe kane te bejne me komunitetin e tyre.

Ne kete seance degjimore merrte pjese edhe ambasadori i Kosoves ne Londer, Muhamet Hamiti. Pasi ka falenderuar qeverine britanike per ndihmen e vazhdueshme per anetaresimin e Shqiperise ne NATO dhe proceset drej anetaresimit ne BE, ambasadori Mazi vleresoi rolin e shoqatave te emigranteve.

Lutfi Vata, duke folur per arsimimin e emigranteve dhe ne vecanti mesimin e gjuhes shqipe tek femijet e tyre, kerkoi ndihmen e parlamentareve qe gjuha shqipe te perfshihet ne provimet e matures GCSC.

Ndersa Lulieta Nuzi foli rreth problemeve te shumta qe ndeshin emigrantet shqiptare ne Angli, kryesisht per numrin e larte te te papuneve, problemet qe hasin grate, perfshire pasqyrimin e modelit te punes se suksesshme te organizates qe ajo drejton “Shpresa Programme”.

“Alarmante dhe problem madhor qe kerkon zgjidhje ligjore”. Keshtu e ka cilesuar perfaqesuesi ligjor Klement Banushi nisjen e procedurave nga Home Office te heqjes se nenshtetesise britanike shume shqiptareve.

Ai ka kerkuar ndihmen e parlamentareve britanike per te nderhyre pasi vihet ne rrezik debimi i tyre nga Britania e Madhe duke shkaterruar gjithcka te ndertuar nga ata keto 15 vite ne emigracion.

Parlamentaret kane shprehur gadishmerine e tyre ne mbeshtjetjen e kerkesave te komunitetit shqiptar, duke programuar qe nje seance e tille degjimore te zhvillohet cdo vit.

About Me

Veliupress


View My Stats