Sunday, 26 July 2009

Gjykata në Kardif pafajsi ish agjentit të SHIK-ut.

Nga Londra
Muhamed Veliu

Gjykata e krimeve në Kardif ka rrëxuar akuzat ndaj një ish agjenti të shërbimit sekret shqiptarë dhe bashkëshortes së tij, një ish gazetare në një prej televizioneve në Shkodër.
Gëzim dhe Vera Ndrecaj akuzoheshin se kishin kërcënuar për të vrarë borxhliun e tyre Agron Hoxha.
Nëse ai nuk i paguante 35 mijë stërlina për 10 mijë stërlina të dhëna borxh atherë do ti rrëmbenin edhe vajzën me gruan për ti shfrytëzuar si prostituta.
Sipas prokurorisë së Uellsit, ish agjenti SHIK-ut Gëzim Ndrecaj kishte konsumuar veprën penale të dhënies së parave me përqindje po ashtu të kërcënimit.
Po të njëjtat akuza rëndonin mbi bashkëshorten e tij Vera Ndrecaj e cila sipas prokurorisë kishte kërcënuar bashkëshorten e Agron Hoxhës i cili ishte pronar i një restotanti në Uells.
Që në fillim të procesit gjyqësor cifti Ndrecaj ka mohuar akuzat.
Kur pritej të dëshmonte një prej dëshmitarëve kryesor të prokurisë deshmia e tij është refuzuar nga gjykata pasi ai nuk ishte njeri me kredibilitet.
Përkthyesi shqiptarë në këtë proces Marsel Rexhepi ka dhënë një dëshmi ku thoshte se Agron Hoxhën e njihte me emrin Gëzim Idrizi dhe se ai i kishte kërkuar para borxh.
Kaq ka mjafruar për gjykatësin të hedhë poshtë akuzat e prokurorisë duke lënë të lirë ciftin Ndrecaj.
Ky proces gjyqësor ka gjetur jehonë në median e Uellsit pasi në një faqe në internet shkruhet se Gëzim Ndrecaj ka punuar në strukturat e larta të shërbimit sekret shqiptarë madje ai ka bashkëpuar me CIA-n.
Sipas gazetës Uells Online Gëzim Ndrecaj kërkoi azin në Britaninë e Madhe në vitin 2002 pasi ishte kërcënuar në Shqipëri për shkak detyrës që mbante në shërbimin sekret shqiptarë.

Kush e vrau Cima Sogojevën?

Scotland Yard 20,000 stërlina shpërblim kush jep informacion për autoret.

Nga Londra
Muhamed Veliu

Kush e vrau shqiptarin Cima Sogojova? Kjo është enigma ende e pazgjidhur nga hetuesit e kësaj vrasje të tipit mafioz, që ka tronditur komunitetin shqiptarë vitin e shkuar.Oficerët e Scotland Yard kanë vënë në dispozicion 20 mijë stërlina për personin që ka dijeni për vrasjen dhe do të ndihmojë policinë në identifikimin, kapjen dhe më pas gjykimin e autorit apo autorëve. Pas shumë hetimesh intensive ky është hapi tjetër që policia britanikë ndërrmerr tetë muaj pas vrasjes së Sogojevës ndodhur në zonën Golders Green.

Apeli

Detektiv Inspektori Andy Partridge nga skuadra e “Serious Crime Command” tha:
“Nga hetimet e deritanishme na rezulton se Cima ishte i përfshirë në grabitje e automatëve ku paguhet taksa e parkimit.
Pamvarsisht se ai kishte zgjedhur këtë mënyrë jetese ai nuk e meritonte të vdiste.Vrasësi apo vrasësit e tij duhet të përgjigjen përpara drejtësisë. Kjo mund të arrihet me ndihmën e komunitetit shqipfolës në Londër”.
Sipas detektiv Inspektorit Andy Partridge për zbardhjen e kësaj vrasje është imediatike ndihma e komunitetit shqiptarë duke shktuar:
“Cima Sogojeva ishte frekuentues i kafeneve shqiptare në veri-perëndim të Londrës si dhe në Reading, duke shpenzuar kohë me pjestarë të tjerë nga komuniteti shqiptarë. Ne jemi të prirur të bisedojmë me cilindo që ka informacion rreth tij.
A keni dijeni se kush ishte shkaku që coi në ekszekutimin e Cimës? C’farë flitet në komunitet për këtë vrasje? Keni dëgjuar apo parë dicka të dyshimtë afër zonës ku ndodhet Highfield Road? Keni parë dikë që ka hyrë dhe ka dalë apo sillej vërdallë shtëpisë së Cimës gjashtë Tetorin e vitit të shkuar?
Ne ju inkurajojmë të na telefoni”.
Detektiv Inspektori Andy Partridge që po udhëhet grupin e hetimit të kësaj vrasje gjatë një bisede me The Albanian thotë se c’farë do lloj informaconi do të trajtohet si tejet konfidencial duke ruajtur në mënyrë shumë strikte anonimatin e personit.

Ekzekutimi

Vrasja e Cima Sogojevës ndodhi mengjesin datës 6 Tetor 2008 rreth orës 11:15 minuta.
Policia u njofrua pasi janë dëgjuar të shtëna në një adresë në rrugën Highfield Road, NË11. Oficerë të armatosur të policisë duke përdorur forcën mundën të hynë në shtëpinë ku jetonte Cima. Pas kontrollit të banesës ata kanë gjetur trupin e pajetë të 27 vjecarit. Viktima kishte vdekur menjëherë si pasojë e disa plagëve të marra pasi ishte godituar disa herë me një pistoletë.Sipas autopsisë viktima nuk ishte torturuar.
Nga hetimet e deritanishme nuk është zbuluar nëse nga banesa viktimës janë vjedhur para. Vrasësit nuk kanë hyrë me forcë në banesë.
Për momentin nuk ka ndonjë informacion që sygjeron se Cima ka qenë i përfshirë me ndonjë incident të përparshëm apo vrasja të jetë si pasojë e kontrollit të zonave ku grabiteshin automatët e parkingjeve.
Mësohet se Cima Sogojeva ishte me origjinë nga qyteti Podujevës në Kosovë. Ai kishte shtatë vjetë që jetonte në Londër. Ishte i matuar dhe kishte në vajzë dhjetë vjecare. Bashkëshortja dhe vajza jetojnë në Kosovë.
Ne lidhje me vrasjen një person është arrestuar më 16 Tetor 2006. Ai është lënë i lirë me për tu paraqitur për tu ripyetur në polici në muajin Shtator 2009.
Cilido që ka informacion për vrasjen duhet të kontaktojë hetuesit e kësaj cështje të cilat janë në Hendon në numrin e telefonit 020 8358 0400 apo në mënyrë anonime duke telefonuar Crimestoppers në 0800 555 111.

Thursday, 23 July 2009

Londër-Tiranë dyfishohet cmimi biletave

Nga Londra
Muhamed Veliu


Kompanitë e fluturimeve dyfishojnë cmimet gjatë sezonit të verës në linjën Londër-Tiranë dhe anasjelltas duke detyruar mijëra emigrant të braktisin pushimet në Shqipëri.
Sikurse edhe në të shkuarën,ky sezon veror nuk bën përjashtim.
Rritja e cmimeve ndodh në mënyrë të pashpjegueshme duke detyruar emigrantët shqiptarë dhe britanikët të heqin njëherë e mirë nga mëndja mundësinë e bërjes së pushimeve në bregdetin shqiptarë.
Aktulisht nga Londra për në Tiranë ka dy linja direkte që i përkasin një kompanie britanike dhe një shqiptare e cila kryen fluturime sezonale.
Nëse gjatë muajve të tjerë të vitit kompania britanike ofron një biletë vajtje ardhje për 220 stërlina gjatë sezonit të verës ato shkojnë deri 550 stërlina apo më shumë.
Nga cmimet e larta nuk bëjnë përjashtim as linjat jo direkte të cilat e konsiderojnë sezonin e verës dhe dëshirën e shqiptarëve për të kryer pushime në vendlindje si një kohë të artë për të përfituar financiarisht nga rritja e cmimit të biletave.
Nga një kërmin në internet të një bilete nga Londra për në Tiranë gjatë fillimit të muajit gusht kompania britanike ofron cmimin 676 stërlina ndërsa për të flutuar drejt Sofies 361 stërlina, për në Bukuresht 293 stërlina dhe 271 stërlina për në Athinë .
Po të njëjtat cmime ofrojnë edhe kompania italiane e fluturimeve ajo hungareze dhe austriake nga ku biletat mund ti gjesh nga 500 deri në 600 stërlina.
Ky problem është pasqyruar edhe në numrin e fundit të gazetës së komunitetin shqiptarë në Britani The Albanian.
Nën titullin “Biletat e Shtrenjta, Emigrantët e Britanisë braktisin mëmëdheun” shkruan se për një njeri që punon dhe merr një page të mesme këto bileta janë të papërballueshme.




Londër-Tiranë dyfishohet cmimi biletave

Nga Londra
Muhamed Veliu


Kompanitë e fluturimeve dyfishojnë cmimet gjatë sezonit të verës në linjën Londër-Tiranë dhe anasjelltas duke detyruar mijëra emigrant të braktisin pushimet në Shqipëri.
Sikurse edhe në të shkuarën,ky sezon veror nuk bën përjashtim.
Rritja e cmimeve ndodh në mënyrë të pashpjegueshme duke detyruar emigrantët shqiptarë dhe britanikët të heqin njëherë e mirë nga mëndja mundësinë e bërjes së pushimeve në bregdetin shqiptarë.
Aktulisht nga Londra për në Tiranë ka dy linja direkte që i përkasin një kompanie britanike dhe një shqiptare e cila kryen fluturime sezonale.
Nëse gjatë muajve të tjerë të vitit kompania britanike ofron një biletë vajtje ardhje për 220 stërlina gjatë sezonit të verës ato shkojnë deri 550 stërlina apo më shumë.
Nga cmimet e larta nuk bëjnë përjashtim as linjat jo direkte të cilat e konsiderojnë sezonin e verës dhe dëshirën e shqiptarëve për të kryer pushime në vendlindje si një kohë të artë për të përfituar financiarisht nga rritja e cmimit të biletave.
Nga një kërmin në internet të një bilete nga Londra për në Tiranë gjatë fillimit të muajit gusht kompania britanike ofron cmimin 676 stërlina ndërsa për të flutuar drejt Sofies 361 stërlina, për në Bukuresht 293 stërlina dhe 271 stërlina për në Athinë .
Po të njëjtat cmime ofrojnë edhe kompania italiane e fluturimeve ajo hungareze dhe austriake nga ku biletat mund ti gjesh nga 500 deri në 600 stërlina.
Ky problem është pasqyruar edhe në numrin e fundit të gazetës së komunitetin shqiptarë në Britani The Albanian.
Nën titullin “Biletat e Shtrenjta, Emigrantët e Britanisë braktisin mëmëdheun” shkruan se për një njeri që punon dhe merr një page të mesme këto bileta janë të papërballueshme.

Wednesday, 22 July 2009

31 vite burg trafikantëve shqiptarë

Trafikuan dhe shitën për 2 mijë stërlina një vajzë lindore

Nga Londra
Muhamed Veliu


SOCA- Agjencia britanike e krimit të organizuar në bashkëpunim me policinë e Uellsit dhe atë shqiptare kanë shkatërruar një grup kriminal shqiptarë të përfshirë të trafikun e grave për prostitucion.
Nëpërmjet operacionit të koduar “Adjekt” agjentët e SOCA-s pas një hetimi të filluar në vitin 2007 arrestuan shtetasen lituaneze Edita Tavoraite sëbashku me shqiptarët Tafil Kadria, Xhevdet dhe Lavdrim Cikaj.
Që prej shume kohësh ata ishin të përfshirë në trafikimin dhe shfrytëzimin e vajzave për prostitucion në qytetin e Mancesterit dhe në Uells.
Aktiviteti i tyre kriminal do të mbërrinte në vëmendjen e SOCA-s pasi policia e Uellsit shpëtoi një vajzë 18 vjecare e cila ishte blerë fillimisht nga Xhevdet Cikaj.
Pasi e ka detyruar të shesë trupin e saj për llogari të tij Xhevdet Cikaj e ka shitur atë tek Tafil Kadria për 2 mijë stërlina.
Pronarët e saj të rinj, Cifti Kadria Tavoraite e kanë shfrytëzuar vajzën e blerë në zonën Newport në Uells.
Pas një procesi gjyqësor disa javor ky grup kriminal është dënuar me 31 vite burg në total.
Bashkëpuntorja e shqiptarëve lituanezja Edita Tavoraite është dënuar me tre vite burg. I dashuri i saj shqiptarë Tafil Kadria do të vuaj 13 vite burg.
Ndërsa vëllezërit Xhevdet dhe Lavdrim Cikaj do të vuajnë respektivisht nga 12 dhe 3 vjet vite burg.
Disa ditë më parë gazeta New York Times në një reportazh të gjatë për trafikun e grave dhe vajzave për prostitucion të kontrolluara nga shqiptarët, analizonte strukturën e organizimit të grupeve kriminale shqiptare në Britaninë e Madhe të përfshira në tregëtinë e mishit të bardhë.

© Veliupress copyright 2009

About Me

Veliupress


View My Stats